Grua zvicerano-kosovare dënohet me 4.5 vite burg për mashtrim prej 1 milion frangash

Një 39-vjeçare me shtetësi zvicerano-kosovare është dënuar me katër vjet e gjysmë burg nga Gjykata e Qarkut në Baden, pasi mashtroi shtatë burra dhe një grua duke përfituar pothuajse 1 milion franga zvicerane.

Sipas aktakuzës, ajo përdori gënjeshtra për të marrë para, duke u justifikuar me paga të rreme ose situata urgjente, ndërsa premtonte se do t’i kthente shumat. Paratë i shpenzoi për lojëra fati dhe artikuj luksi, përfshirë një orë Rolex, të cilën e raportoi si të vjedhur pasi e kishte lënë peng.

“Kemi mbetur të habitur që keni arritur të merrni kaq shumë para. Është e pabesueshme,” deklaroi kryetari i trupit gjykues, sipas Aargauer Zeitung.

Rasti ka nxitur vëmendje pasi tregon se Zvicra mbetet e prekshme nga mashtrimet individuale.