OVL-UÇK njofton për konferencë – Pritet të shpallet data e protestës kundër padrejtësive në Hagë

Organizata e Veteranëve të Luftës së Ushtrisë Çlirimtare të Kosovës (OVL-UÇK) do të mbajë sot një konferencë për media në ora 14:00, në zyrat e saj zyrtare.

Në këtë konferencë, pritet të bëhet publike data e protestës që OVL-UÇK planifikon të organizojë, në shenjë kundërshtimi ndaj, siç e kanë quajtur, “padrejtësive që po ndodhin në Hagë”.

Ish-kreu i kësaj organizate, Hysni Gucati, në një intervistë për Kosova Live ka deklaruar se protesta është reagim i drejtpërdrejtë ndaj trajtimit që po u bëhet ish-krerëve të UÇK-së në Gjykatën Speciale.

“Padrejtësitë po thellohen dhe ne nuk mund të qëndrojmë duarkryq,” tha Gucati, duke paralajmëruar një mobilizim të gjerë.

Më shumë detaje priten të zbulohen pas konferencës së sotme.