Ylli i Kosovës, Milot Rashica, pranë transferimit të bujshëm në Bundesligë — drejt Borussia Mönchengladbach
Milot Rashica, një prej lojtarëve më të rëndësishëm të Kombëtares së Kosovës, është shumë pranë një transferimi madhor në Bundesligë, ku pritet t’i bashkohet skuadrës së njohur gjermane, Borussia Mönchengladbach.
Sipas raportimeve të mediave turke dhe Gazetës Express, sulmuesi ka nisur të finalizojë aventurën e tij në Turqi me Besiktasin, ndërsa një veprim i fundit i tij në rrjetet sociale, ku ka fshirë emrin e klubit turk nga profili i tij në Instagram, po përforcon dyshimet për një largim të afërt.
Mungesa e Rashicës në stërvitjen e fundit të Besiktasit shihet si një sinjal i fortë se transferimi është shumë pranë përfundimit.
Ky kalim do të shënojë rikthimin e Rashicës në futbollin gjerman, ku ka lënë gjurmë të mëdha më parë me skuadrën e Werder Bremen.
Fansat e Bundesligës dhe të Kombëtares së Kosovës presin me padurim finalizimin e këtij transferimi që pritet të jetë një hap i rëndësishëm në karrierën e tij.
