Azerbajxhanasi tenton të korruptojë policin me 20 euro në Merdare, përfundon në mbajtje

Një shtetas i Azerbajxhanit është arrestuar në pikën kufitare të Merdares pasi ka tentuar të korruptojë një zyrtar policor me qëllim të kalimit të paligjshëm të kufirit.

Sipas Policisë së Kosovës, i dyshuari ka ofruar 20 euro ryshfet, por është ndaluar menjëherë nga autoritetet kufitare.

“PKK Merdare / 02.07.2025 – NN. Është arrestuar i dyshuari mashkull, shtetas i Azerbajxhanit, pasi që i njëjti i ka ofruar 20 euro zyrtarit policor për t’i mundësuar kalimin e kufirit. Pas intervistimit, me vendim të prokurorit, i dyshuari është dërguar në mbajtje”, thuhet në raportin e policisë.

Rasti është duke u trajtuar nga prokuroria kompetente dhe ndaj të dyshuarit pritet të ngrihet kallëzim penal për veprën “dhënie ryshfeti ndaj personit zyrtar”.