69 aksidente trafiku në 24 orët e fundit në Kosovë

Gjatë 24 orëve të fundit në vend janë shënuar 69 aksidente trafiku, ku 29 kanë përfunduar me të lënduar, ndërsa 40 të tjera me dëme materiale.

Sipas raportit 24-orësh të Policisë së Kosovës, në këtë periudhë janë shqiptuar 2 mijë e 430 gjoba trafiku, si dhe janë arrestuar 14 persona, prej të cilëve 10 janë dërguar në mbajtje.

Policia e Kosovës kujton se aksidentet mbeten një shqetësim i madh në vend. Vetëm gjatë periudhës janar – korrik 2025 kanë humbur jetën 59 persona në komunikacion, ku 55.9% e viktimave (33 persona) kanë qenë shoferë.

Autoritetet u bëjnë apel qytetarëve për kujdes dhe respektim të rregullave të qarkullimit rrugor, në mënyrë që të parandalohet humbja e jetëve njerëzore.