Kandidati për deputet i Partisë Demokratike në qarkun e Dibrës, Xhemal Gjunkshi, ka denoncuar zhvillimin e punimeve të dyshuara si të paligjshme në fshatin Hotesh, Komuna Luzni në Dibër. Ai ka denoncuar rastin në rrjetin social facebook, ndërsa shprehu shqetësimin për mungesën e dokumentacionit ligjor për fillimin e punimeve në terren.
“Ku është tabela që duhet të jetë e vendosur? Aty duhet të ishin të shënuara data e fillimit, përfundimit, vlera e kontratës dhe leja e ndërtimit”, thotë ai, duke theksuar dëmet e shkaktuara në mjedis. Gjunkshi ka kontaktuar me drejtuesin e njësisë administrative, zotin Labinot, dhe ka kërkuar sqarime mbi procedurat ligjore të ndjekura. Ai ka njoftuar se ka bërë kallëzim penal për këtë çështje dhe është në procesin e formalizimit të procedurës me ndihmën e avokatit dhe oficerit të policisë.
“Kërkoj që strukturat shtetërore të reagojnë dhe të ndërhyjnë menjëherë për të ndaluar këtë shkelje”, shprehet Gjunkshi.
