Kryeparlamentarja Elisa Spiropali ka ndarë një mesazh në ditën e Proçesionit të Epitafit të së Premtes së Zezë, duke thënë se “Ringjallja do të vijë shumë shpejt’. Kryeparlamentarja Elisa Spiropali ka ndarë një mesazh në ditën e Proçesionit të Epitafit të së Premtes së Zezë. Përmes një postimi në Facebook ajo shkruan se ringjallja do të vijë shumë shpejt.
“Sonte, me Proçesionin e Epitafit të së Premtes së Zezë, besimtarët e krishterë përkujtojnë mundimet e vuajtjet e Jezu Krishtit dhe vdekjen e Tij në kryq. Me besimin e lutjet se Ringjallja do të vijë shumë shpejt.
Ringjallja e Jezusit është triumfi i jetës mbi vdekjen, i dritës mbi errësirën, i të mirës mbi të keqen, një fitore universale, e cila bën që të shpresojnë, fitojnë, gëzojnë, bashkohen dhe lumturohen të gjithë njerëzit, në të gjitha vendet dhe të gjitha kohërat”, shprehet Spiropali në mesazhin e saj. Mijëra besimtarë katolikë dhe ortodoksë në të gjithë vendin përkujtuan të Premten e Zezë me ceremoni të veçanta: Udhën e Kryqit dhe procesionin e Epitafit. Në të gjithë vendin, besimtarët u bashkuan në lutje dhe reflektim në pritje të festës së Pashkëve, që këtë vit përkon të dielën edhe për besimtarët katolikë, por edhe ata ortodoksë.
