Presidentja Vjosa Osmani do të mbajë konferencë për media sot në orën 16:30

Presidentja e Republikës së Kosovës, Vjosa Osmani, do të mbajë sot një konferencë për media.

Lajmi është konfirmuar përmes një komunikate zyrtare nga Presidenca, ku bëhet e ditur se konferenca do të nisë në orën 16:30.

Arsyet e kësaj paraqitjeje publike nuk janë bërë të ditura deri në këtë moment, ndërsa pritet që Presidentja të adresojë çështje me rëndësi për opinionin publik.

Më shumë detaje priten gjatë zhvillimit të konferencës.