Mbyllen disa rrugë në Kosovë për “Tour of Kosovo 2025”
Policia e Kosovës ka njoftuar se gjatë datave 4, 5 dhe 6 shtator do të ketë mbyllje të përkohshme të disa rrugëve, për shkak të mbajtjes së garës ndërkombëtare të çiklizmit “Tour of Kosovo 2025”.
Etapa e parë zhvillohet më 4 shtator 2025, nga ora 12:00 deri 15:00. Gara nis në autostradën Veternik – Bresje – Komoran – Gjergjicë – Malishevë – Duhël – Suharekë – Prizren Veri – Prizren Jug – Vërmicë (kthimi) – Prizren Jug – Prizren Veri – Suharekë – Duhël – Malishevë, duke përfunduar te dalja e autostradës në Malishevë (km 52).
Etapa e dytë mbahet më 5 shtator 2025, nga ora 11:00 deri 15:00. Nisja bëhet nga Pika Kufitare në Vërmicë, duke kaluar në Prizren Jug – Prizren Veri – Suharekë – Duhël – Malishevë – Gjergjicë – Komoran – Fushë Kosovë – Uglarë – Lipjan – Babush – Bibaj – Kaçanik – Hani i Elezit, ku edhe përfundon gara.
Etapa e tretë dhe e fundit zhvillohet më 6 shtator 2025, nga ora 11:00 deri 15:00. Starti bëhet në Hani i Elezit – Kaçanik – Bibaj – Babush – Lipjan – Uglarë – Bresje – Sllatinë – Komoran – Gjergjicë – Malishevë – Duhël – Suharekë – Prizren Veri – Prizren Jug – Zhur – Vërmicë, me kthim nga Prizren Jug dhe përfundim në kilometrin e 10-të të autostradës në Vlashnje, ku do të mbahet edhe ceremonia e mbylljes.
Policia ka apeluar tek qytetarët për mirëkuptim dhe respektim të udhëzimeve, në mënyrë që gara të zhvillohet pa pengesa dhe me siguri të plotë.
