Trump kritikon revistën “Time”: Ma hiqni menjëherë këtë foto kaq të keqe
Presidenti i SHBA-së, Donald Trump, kritikoi revistën Times të martën për “zhdukjen” e flokëve të tij në një foto të cilën ai e quajti “shumë të keqe” për një artikull në kopertinën e kësaj revistembi marrëveshjen e tij të paqes në Lindjen e Mesme.
“Revista Time shkroi një artikull relativisht të mirë për mua, por fotografia mund të jetë më e keqja e të gjitha kohërave. Ata “zhdukën” flokët e mi dhe pastaj kishin diçka që lundronte në majë të kokës sime që dukej si një kurorë lundruese, por jashtëzakonisht e vogël”, shkroi Trump në platformën e tij të mediave sociale Truth Social.
“Vërtet e çuditshme! Nuk më ka pëlqyer kurrë të bëja fotografi nga kënde të ulëta, por kjo është një fotografi shumë e keqe dhe meriton të përmendet. Çfarë po bëjnë ata dhe pse”, shtoi ai.
