Objekt i dyshimtë i gjetur në Grejkoc, reagojnë autoritetet

Një banor i fshatit Grejkoc në Suharekë ka raportuar në polici se ka hasur në një mjet të pashpërthyer. Rasti ka ndodhur të dielën, më 5 tetor 2025, rreth orës 12:33.

Sipas njoftimit të Policisë së Kosovës, bëhet fjalë për një granatë dore. Njësitë policore kanë siguruar menjëherë vendin e ngjarjes, ndërsa njësiti për deminim i Forcës së Sigurisë së Kosovës (FSK) ka dalë në terren dhe ka tërhequr mjetin e pashpërthyer në mënyrë të sigurt.

Fatmirësisht, nuk raportohet për persona të lënduar dhe rasti është mbyllur pa incidente.