Raporti i Policisë së Kosovës: Aksidente, arrestime dhe gjobat e trafikut në 24 orët e fundit

Policia e Kosovës ka publikuar raportin ditor, duke bërë të ditura statistikat për 24 orët e fundit.

Sipas raportit, nuk është regjistruar asnjë aksident me fatalitet, ndërsa 29 aksidente kanë përfunduar me persona të lënduar dhe 38 të tjera me dëme materiale.

Forcat e rendit kanë vijuar kontrollin e rregullave të komunikacionit, duke shqiptuar gjithsej 2,467 gjoba trafiku gjatë një dite.

Gjithashtu, policia ka arrestuar 31 persona, prej të cilëve 18 janë dërguar në mbajtje.

Ky raport pasqyron përpjekjet e vazhdueshme të Policisë për të ruajtur rendin dhe sigurinë në trafik dhe komunitet.