Ajsbergu më i madh në botë po thyhet me shpejtësi
Ajsbergu A23a, dikur me një peshë prej rreth 1.1 trilion ton dhe sipërfaqe prej 3,672 km² – pak më i madh se Rhode Island – po copëtohet me shpejtësi në blloqe të mëdha, kanë njoftuar shkencëtarët nga British Antarctic Survey (BAS).
Ky “mega-ajsberg” është shkëputur nga pllaka e akullit Filchner-Ronne në Antarktidë në vitin 1986 dhe ka mbajtur titullin e ajsbergut më të madh aktual disa herë që nga vitet 1980, përveç rasteve kur ajsbergë më të mëdhenj, por jetëshkurtër, e kanë kaluar, si A68 në vitin 2017 dhe A76 në 2021.
Andrew Meijers, oqeanograf në BAS, tha për CNN: “Ajsbergu po thyhet me shpejtësi dhe po copëtohet në blloqe shumë të mëdha, të cilat vetë janë kategorizuar si ajsbergë të mëdhenj nga Qendra Kombëtare e Ajsbergëve e SHBA-së.”
Sipas BAS, tani A23a ka tkurrur në rreth 1,700 km², afërsisht madhësia e Londrës së Madhe.
