Tre plumba në një zarf i dërgohen ministrit të Brendshëm serb Ivica Daçiq

Ministria e Brendshme e Serbisë ka bërë të ditur se në adresë të ministrit të Brendshëm, Ivica Daçiq, është dërguar një zarf brenda të cilit janë gjetur tre plumba.

Sipas njoftimit, dërgesa ishte dorëzuar më 26 gusht 2025 në zyrën postare të Pozharevcit, ndërsa gjatë kontrollit të zakonshëm të sigurisë në një aparat me rreze X, janë evidentuar plumbat në brendësi të saj.

Policia serbe njoftoi se ka identifikuar dhe lokalizuar personin që e kishte dorëzuar zarfin, ndërsa hetimet po vijojnë për të përcaktuar të gjitha rrethanat e rastit.