38-vjeçarja nën hetim në Tiranë për krijimin e llogarisë të rreme për dëmtimin e imazhit të një gruaje

Një 38-vjeçare është vënë nën hetim nga policia në Tiranë, pasi dyshohet se ka krijuar një llogari të rreme në rrjetet sociale për të dëmtuar imazhin e një gruaje tjetër. Shtetësja me iniciale I. M. ka hapur një profil false, duke përdorur të dhënat e një 46-vjeçareje dhe ka postuar foto të saj së bashku me tekste fyese.

Policia ka nisur hetimet për këtë rast, ndërsa po punon për të zbuluar më shumë detaje lidhur me veprimet e shtetëses I. M., e cila mund të përballet me akuza për shpifje dhe përdorim të informacionit të rremë për qëllime dëmtuese.